Акыркы Кошулгандар

«Манас таануу» интеллектуалдык телетаймашы «Сахаба» эс алуу багы Абдыкерим Муратов Абшыр-Ата Ак-Булак айылы аксакал алма алып сатар Апиза Кудайбердиева Арбын Асамидин Марипов Атактуулар базар базар баасы Бакыт Марипов бала-бакча Бекболот Айтиев Бел бел айылы Блогдор Борбаш бшк Видео Гайвали Эргешов ГЕС добуш Жаңы-Ноокат Жаңылыктар Жар-Коргон Жаркынай Оморбекова жарнама жарыялар Жатан Жаш талант Жеңеке Жийде Жийделик айылы Зайнабидин Мамасадыков Зулмамат Нараев Исрадин Матишев Какыр айылы Кандалат Мурзакматова Каныбек Пирматов Каранай Кеңеш айыл өкмөтү Көк-Жар айылы Көк-Сары-Каңды Көпүрө Көтөрмө айылы Кутманбек Турсункулов Куу-Майдан Күңгөй-Кожеке күрөш күрүч Кызыл-Булак айылы кылмыш Кыргыз-Ата айыл өкмөтү Кыргыз-Ата айылы кырсык Мавлид Маек майрам мал базар Мамазияр Каратаев Маматкасым Турдубаев мамлекеттик ишмер Марипов Улукбек медиа мектеп музыка Муктар Маматалиев Мыктыбек Мамасалиев Н.Исанов Найман айылы Найман суу сактагычы Насиридин Исанов Ниязбек Козуев Новости Ноокат району Ноокат шаары Нурбек кары Орунбаев Нуржамал Исмаилова Нурлан Асанов Нурмухаммед Топчубек уулу Он-Эки-Бел айыл аймагы Өмүрбек Тургунбаев Пазилат эне Президенттин аппараты Русский Саид Баюми Сайкал Исламидин кызы Самидин кары Атабаев сел сот имараты спорт суу түтүкчөсү Тажи Тагаева таза суу Талантбек Эргешов талаш жер тарых Тескей-Кожеке Төрөбай ажы Зулпукаров Төрөбай Зулпукаров Тынчтыкбек Бекташ уулу Фоторепортаж Чегеден Чеч-Дөбө Чыңгыз Асанбек уулу шайлоо Шайлоо-2015 Шанкол экономика Элдик жаңылыктар Эркин уулу Айбек ЮНИСЕФ ads blog carousel City Computer Cuisines Destination famous Fashion fb featured featured1 Foods Gallery janylyk media Music People Phones photo Photography Server slideshow Speaker Tablets Tech Travel Trends Video Wedding World News

2017-жылдын 18-сентябрында Ош облусуна караштуу Ноокат районунун Төөлөс айыл өкмөтүнүн башкы эсепчиси Абдижамбил Нурматов асынып өлгөн эле. Маркумдун жакындары 2018-жылдын 12-февралында Нурматовду асынууга түрткөн жагдайларды иликтеп берүүнү суранып укук коргоо органдарына кайрылышты.

Мындан алты ай мурун Ош облусуна караштуу Ноокат районундагы Төөлөс айыл өкмөтүнүн башкы эсепчиси асынып өлгөн. Ноокат районуна таанымал эсепчинин бул кадамы аймакта түрдүү имиштерге себеп болду. Маркумдун жакындары эсепчинин ажалына Төөлөс айыл өкмөтүнүн ошол кездеги айыл өкмөт башчысын жана аны адегенде текшерип келген көзөмөл органдарын күнөөлөп келишет. Айыл өкмөт болсо өз дарегине айтылган доону негизсиз деп эсептейт.
Ош облустук ички иштер башкармалыгынын басма сөз катчысы Жеңиш Ашырбаев эсепчини өлүмгө түрткөн жагдайларды Ноокат райондук прокуратурасы текшере баштаганын билдирди. Анын айтымында, текшерүүнүн жүрүшүндө кылмыштын курамы табылса кылмыш иши козголушу мүмкүн.
​- Окуя болгон учурда соттук-медициналык экспертиза сөз болуп жаткан эсепчинин өзүнө өзү кол салганын ырастаган. Маркумдун жакындары да аны өлүмгө түрткөн себептерди иликтөө тууралуу арыз беришкен эмес. Бирок азыр маркумдун жакындары ЖМКларга берген маалыматтардан улам Ноокат райондук прокуратурасы эсепчини өлүмгө түрткөн жагдайларды текшере баштады. Эгерде кылмыштын курамы аныкталса, бул боюнча кылмыш иши козголушу мүмкүн.
Эсепчилик кесипти 40 жылдай аркалап, жашы 59га барып калган Абдижамбил Нурматовдун асылып турган сөөгү мындан жарым жыл мурун ээн бактан табылган. Ноокат районуна кесипкөй эсепчи катары таанылган бул кишинин мындай өлүмү аны жакындан билген кишилер үчүн күтүүсүз окуя болгон.
Нурматовдун өлүмү боюнча эл оозунда көп сөздөр айтылганы менен аны өлүмгө түрткөн себептер эч бир орган тарабынан иликтенген эмес. Маркум жерге берилгенден кийин эсепчини өлүмгө түрткөн бир нече себеп бар экени айтылууда. Маркумдун аялы Гүласал Нурматованын айтымында, анын карызы көбөйүп кеткен.
- Акча сурабаган адамы калган эмес экен. Ошол асынган күнү да жеңесине чалып, “мага 100 миң сом таап бериңиз” деп сураган экен. Көрсө ошол күнү бир доочу акчасын доолап 56 жолу чалыптыр. Ал мындай кыла турган киши эмес эле. Өмүрүндө эч кимден карыз болбой эле тирилигин тың кылып келаткан. Акыркы жылдары карызга батып кетти. Бирок үйгө бир тыйын да жумшаган жок. Ушунча билими, ушунча эмгеги менен эл катары жаңы машине минип, анан өлсө мынчалык арман кылбас элем.
Кесиптик жагынан тажрыйбалуу, жашы да бир топко барып калган, акыл-эстүү эле кишинин карызга батып калышына эмнелер себеп болгонун азыр так билген жан жок. Бирок маркумдун аялы Гүласал Нурматова жолдошунун өлүмүнө текшерүүчүлөр менен Төөлөс айыл аймагынын ошол кездеги башчысы Алия Баймурзаеваны күнөөлөйт.
- Акчанын баары текшерүүчүлөргө кетти. Бизди текшерүүчүлөр курутту. Менин жолдошумдун өлүмүнө Төөлөс айыл өкмөтүнүн мурунку башчысы Алия Баймурзаева түздөн-түз күнөөлүү. Кудай да көрүп турат. Ал жолдошумду кул кылып иштетти. Азыр карыз доолап келгендерди "ошол Алия Баймурзаевага баргыла" деп атам. Жолдошум бир жолу менден кечирим сурап, “сен "кайт, иштебе Алия менен" дегениңде укпай койгон элем. Мени кечир. Мен көп ташпиш менен жүрөмдеп башын кармаган эле. Көрсө Алия эже отуруп эле "акча тап" дей берген экен. Ревизия келсе да "акча тап", прокуратурадан келсе да "акча тап", конок келсе да "акча тап" дей берген экен. Алиянын мыйзамсыз иштерин Бишкектен келип 40 күн текшеришкен. Ошондо көп карызга батканын эми билип атам.
Маркумдун карыздары көп экенин бир тууган иниси Таныкул Нурматов гана билчү экен. Бирок ал да агасы карызга алган акчаны кайда иштеткенин так билбейт. Тек гана боолголоп буларды айтат:
- Мен элден укканыма караганда агам карызга алган акчаны Алия эженин шайлоосуна да короткон. Алия Баймуратова КСПДдан 75-номур менен депутаттыкка койгон. Агамда акча жок да, ошондуктан сүткорлордон акча алган. Шайлоо өткөндөн кийин Баймурзаева Ноокат райондук социалдык фондунун башчылыгына которулуп кетти. Агам бул жерде мойнунда карызы менен кала берди.

Сөз болуп аткан Алия БаймурзаеваТөөлөс айыл аймагын 11 жыл башкарган. Учурда ал райондук социалдык өнүктүрүү башкармалыгын жетектеп жатат. Ага чейин КСДПнын тизмесинде 75-чи болуп Жогорку Кеңешке талапкерлигин койгон. Айыл өкмөт болуп турганда көзөмөл органдарынын бир нече текшерүүсүнөн таза чыккан. Баймурзаева текшерүү органдарына чай куюп бергенден башкага айыл өкмөт катары ири акча коротпогонун, эсепчиси кандайча карызга батканынан кабарсыз экенин айтат.
- Мен ал киши менен Союз учурунан бери иштешип жүргөнмүн. Эгер анын өлөрүн билгенимде, анын көзү тирүүсүндө баарын тактап алмак экенмин. Үй-бүлөсү анын өлүмүнө мени күнөөлөп жатканына таң калып турам. Мен андан акча алганыма бир эле киши күбө болсо башка сөз эле. Мен муну Кудайга гана койдум. Бирөө мени камерага тартып алган жок же мен бирөөгө тилкат берген эмесмин. 40 жылдан ашык эсепчилик стажы бар, менден бир жаш улуу киши. Мага алданып калгыдай жаш бала эмес эле.
Болбогон эле кичинекей суммадагы акчанын айынан "карыздын үстөгү өсүп кетиптир" деген сөздөрдү угуп атам. Текшерүүчүлөргө адамгерчилик үчүн чай уюштуруп гана койчубуз. Прокуратура болобу, башка болобу, эч качан акча менен узаткан эмеспиз.
Абдижамил Нурматовдун үйүнө карыз доолап келгендердин аягы эмгиче үзүлө элек. Маркумдун уулунун айтымында, Баймурзаева ошол Нурматовдун карыздарынын 900 миңин өз мойнуна алып, тилкат жазып берген. Учурда маркум Абдижамил Нурматовдун балдарынын мойнунда дагы бир миллион сомдон ашык карыз бар экен.
Маркум акыркы 15 жылда бир да ири мүлк сатып албай, өмүрүнүн аягына чейин эски "Жигулиси" менен жүргөнүн туугандары айтышат. Ал өзү өлөр алдында жазган катында да мойнундагы карызы өз тиричилигине иштетилбегенин айтып кеткен.

"Адамзаттар! Мендей эч ким болбосун. Мени ушул акыбалга алып келгендер менен акыретте эсептешем. Турмушум үчүн эч кимден карыз эмесмин" - деп, карызынын төркүнүн табышмактатып кеткен. Олчойгон карыздын келип чыгышына айыл өкмөттөгү кызматы же башка нерсе себеп экени эч кимге маалым эмес.

Учурда маркумдун эки уулу аялдары менен Орусияда иштеп, тапканын атасынын карыздарына төлөп келет. Тун уулунун айтымында, атасы жалпысынан 3 миллион сомдой карыз төлөгөн. Андан сырткары, дагы 1,5 миллиондой карыз али да төлөнө элек. Абдижамил Нурматовдун аялы жолдошу кайтыш болуп кеткенден бери ооруп, ооруканадан чыкпай калган. Биз барган учурда да аны Кызыл-Кыядагы оорукананын жүрөк оорулар бөлүмүндө жаткан жеринен таптык. Маркумдун артында аялы, төрт уул жана бир кызы калды.

И.Исаков, "Азатттык"

Оштогу имамдар. Архивдик сүрөт.20-21-январда Ош шаарында Ноокаттык имамдар үчүн кургак учукту дарылоо боюнча семинар өттү. Андан сырткары Араван, Өзгөн, Алай райондорунун имамдары да катышты.

Семинар учурунда кургак учук оорусу тууралуу дүйнөдөгү жана Кыргызстандагы маалыматтар айтылып, дарттын белгилери, аны дарылоо жолдору тууралуу маалымат берилди. USAID уюштурган бул иш-чара "Кургак учукту жеңебиз" аттуу долбоордун алкагында аймактарда ишке ашууда. Ооруга чалдыккандарды кемсинтпей, бөлүп-жарбай, коомго аралаштыруунун жол-жобосу да айтылды.

Тренингдин алкагында 25 имам Кара-Суу районунун Шарк айылындагы "Сарназар" мечитине барышып, намаздан кийин ага келгендерге кургак учук боюнча акыл-насааттарын айтышты.




Ноокат районунун Кыргыз-Ата айыл өкмөтү 2 банк менен келишим түздү. Анын негизинде айыл өкмөттүн имаратында орнотулган терминал менен банкоматты пайдалануу мүмкүнчүлүгү түзүлдү.

Мындан ары жашоочулар айылдан эле пенсия, жөлөк пул, айлык маяна алып, салык төлөмдөрдү төлөй алышат, деп белгилешти айыл өкмөттүн кызматкерлери.

«Буга чейин Кыргыз-Ата айыл аймагынын 22 миң эли Ноокат районунун борборуна жол кире коротуп барып, банктарда кезек күтүү менен пенсия, жөлөк пул, айлык акы алып турушчу. Бүгүнкү күндө бул көйгөйлөр чечилди», - деп айтылат айыл өкмөттүн билдирүүсүндө.

Turmush

Пожар тойкана Ноокат

Ош-Ноокат жолунун боюнда жайгашкан «Алым-Ата» кафеси өрттөнүп кетти.

 «Алым-Ата» тойканасы Зулуев айыл аймагында жайгашкан. Өрт болжол менен 17:55 чамасында башталган. Кырсык болгон жерге өрт өчүрүүчүлөр келип, иштеп жатышканын кабарлашты. Айтымдарга караганда кафенин ээси Замир аттуу жигит электр зымдарын көзөмөлдөп, оңдоо иштерин жүргүзүп жаткан. Ал өрт башталып кеткенин түтүнүн жытынан улам байкаган.Күбөлөрдүн айтуусунда, өрттөн кишилер жабыркаган жок, бирок ресторан ичиндеги эмеректер, музыкалык аппаратуралар күйүп кеткен.

Өрттүн кесепетинен жабыр тартып, ооруканага жана тез жардам бөлүмүнө кайрылгандар болгон жок. Учурда келтирилген чыгым такталууда.
Алдын-ала маалыматтар боюнча жабыркагандар жок.

ВИДЕО:


[youtube src="DuZ2JLocTA"/] [youtube src="aWRZDupdrM"/]


Адистер өрттүн келип чыгуу себептерин иликтеп жатат

Ноокат шаарындагы Ош көчөсүндө жайгашкан мечит өрттөнүп кетти. Бул тууралуу ӨКМдин маалымат катчысы Авазбек Айтиев Sputnik Кыргызстан агенттигине билдирди.
Анын айтымында, кырсык 21-январда түнкү саат 03:30дар чамасында болгон.
"Өрт саат 03:50дө чектөөгө алынды. Аны толук өчүрүү үчүн Ноокат райондук өрткө каршы башкармалыгынын №71 жана №104 бөлүмдөрү иштеп, саат 05:15те толук өчүрүлгөн. Кырсыктын кесепетинен мечиттин 400 чарчы метри күйүп кеткен", — деди Айтиев.
Ал ошондой эле, кырсыктын кесепетинен эч ким жабыр тартпагандыгын кошумчалады.


[youtube src="oKYs1SmGqBU"][/youtube] Ноокат районунун Кара-Таш айылында тоонун арасында кечээ, 7-январда уюштурулган улак тартыш оюну өзгөчө өттү. Улак тартышка Өзбекстан жана Кыргызстандын облустарынын топтолгон улакчылар түштү, деп билдирди кабарчы. Ал эми, аттардын саны миңге жетип, оюнга күбө болгон көрүүчүлөрдүн саны 5 миң адамдан ашкан.

[gallery] [img src="https://data.kaktus.media/image/big/2018-01-08_11-39-16_100078.jpg"][/img] [img src="https://data.kaktus.media/image/big/2018-01-08_11-39-51_386663.jpg"][/img] [img src="https://data.kaktus.media/image/big/2018-01-08_11-39-16_100078.jpg"][/img] [img src="https://data.kaktus.media/image/big/2018-01-08_13-50-25_285155.jpg"][/img] [img src="https://data.kaktus.media/image/big/2018-01-08_13-50-25_145969.jpg"][/img] [img src="https://data.kaktus.media/image/big/2018-01-08_11-39-52_183190.jpg"][/img] [img src="http://static-2.akipress.org/127/.upload/kgnews/gallery/9/376749.dadc4fae209657d2a8dc7164ab540b66.jpg"][/img] [img src="http://static-2.akipress.org/127/.upload/kgnews/gallery/0/376750.04ba26247bc74af36f6b4b5661e8878f.jpg"][/img] [img src="http://static-2.akipress.org/127/.upload/kgnews/gallery/1/376751.a0c37de511da8e5bc23db80e28640572.jpg"][/img] [img src="http://static-2.akipress.org/127/.upload/kgnews/gallery/2/376752.72612713289506e1a921b46ccdfa6fc1.jpg"][/img] [img src="http://static-2.akipress.org/127/.upload/kgnews/gallery/3/376753.916fe47cb41da769954031ecaf937fe3.jpg"][/img] [img src="http://static-2.akipress.org/127/.upload/kgnews/gallery/4/376754.26a8b1609af4e6d3d53b1ed0cd733004.jpg"][/img] [/gallery] Улак тартыштын байгесине акчалай белектер, 30 кой, 25 тай, 10 төө, 2 автоунаа жана баш байгеге атайын даярдалган алтын кур коюлуп, жыйынтыгында алтын курду Дурус аттуу улакчы тагынды. Ал эми, автоунаа Нуржигитке буйруду.

Ошондой эле, башка катышуучулар акчалай жана кызыктыруучу сыйлыктарга ээ болушту Кыргызстанда байгеге биринчи жолу алтын кур коюлган улак тартышты жергиликтүү тургун Жоомарт уулунун сүннөт тоюнда уюштурган.

Turmush

Адилет Сыдыков

{picture#https://3.bp.blogspot.com/-AHSwWDZYbNE/V-1BoLV6D1I/AAAAAAAAHLQ/UDZd-yG7NEsOVRHqeUbKLohrIL0VbZF8wCLcB/s320/logo.png} 1995-жылы төрөлгөн. Ош облусунун Ноокат районунун Атамерек айылында жарык дүйнөгө келген. Эркин журналист, блоггер жана веб-дизайнер. 21 жашта. {facebook#http://www.facebook.com/adilet15L} {twitter#http://twitter.com/adilet_sydykov} {google#http://google.com/+adiletsdkov} {odnoklassniki#http://www.odnoklassniki.ru/as170894} {youtube#https://www.youtube.com/adiletsdkov} {instagram#http://instagram.com/adilet_sydykov}

Форма для связи

Имя

Электронная почта *

Сообщение *

Автор изображений для темы: Blogger. Технологии Blogger.